نرسمک يا وطـــن برموش العيون
ونثبـّت صورتک مـــا بين الگلـوب
ونفديک ابعمرنه اصغــــــار وکـبار
ولـــو کل يوم واحد بالعلن مصلوب
يا احـــلي وطن يمشرغد اعلي الخير
خيرک يا وطن ظهر الحمـَر منهوب
جمالک يا وطـــن شو وكــّح الغبران
وضل ايعيل بينا الچان أمس مطلوب
يالحاضن خليجک انته طـول بطول
و امفصل عليک البحـــــر چن ثوب
عــند رأسک جبل حمـــرين منقوش
وبحـــــر عمان حـــدک من الجنوب
تضحک للعرب والهم تــــدير العين
وانته من الظهَر يا وطــــن مصيوب
ثمن اعقود وانته امعــــاند التفريس
ولحــــد اليوم مطلع هوستک يعرُب
ليهمک اخوتک لـــو جـفت ويـــاک
هـذول احنه فــداک اليوم يالمحبوب
أبشر يا وطــن کل احنا عـند عيناک
رغم کل المأسي تضل وطن مهيوب
مــا ننساک والله اشما يطـــول الليل
أنــام اشلون ليلي والوطــن مسلوب
أبشري يا المحمرة نجمة الصوبين
يالصبرچ طغي وزاد علي صبر ايوب
نعـــاود يا وطـــن وتعــــود الأمجـــاد
جمال الکون انــته الما تضل محجوب
صباح من العرب جبنالک اويــا الخير
و ام بي سي البهية الجابت المکتوب
شکرا يا لوجين بکل مساء ومصباح
و تسلم يا جـــــلال المبدع الموهـوب
يـــــــا أحـــلي ثنائي النـوّر الشاشات
وبرنامج صباح الخير بيكم ناجح و مرغوب
برنامج صباح الخير بيكم ناجح و مرغوب
حامد الكناني
