ابيات شعبية قالها الاستاذ حامد الكناني في احتفالية ذكرى رحيل المناضلين الاهوازيين منصور الاهوازي و محمد النواصري مما اثرت بالحاضرين الى حد البكاء لاسيما اغرباء الشهيد ورفاقه .اليكم هذه الابيات:
من مشيت بلا وداع وسافريت
سالت أدموعي على خدي
وگلبي شبت نار وسطه
ومن حیاتي أیسیت
من مشیت وفارگتني
وآنه ضایع بالمنافی
شایل اکوار القضیة
وألم غربه،ولوم أهلي
چني لحظة اترددیت
من مشيت بلا وداع وسافريت
عدت للماضي وحسبته
وبعد ما كملت حسبتي
وچنی منها اتأكديت
لملمت حيلي ونخيتك
وشكبنت شكبان همي
وانته بیدک شیلتني
وما شکیت
من مشيت بلا وداع وسافريت
بسمتک لزگت أبعيني
وضمدیت أجروح گلبي
و الدربکم عاودیت
***
من مشیتوا بلا وداع
وغیر موعدْ
دمعتي تیزاب نِزلت
وگامت ابخدي تسرّد
من مشیتوا بلا وداع
وغیر موعدْ
وتــر فکری انگلب طوره
وضل حزن وآهات ینشد
من مشیتوا بلا وداع
وغیر موعد
امفتش وضاعت حرثتي
والدرب ما گمت اوچد
من مشیتوا بلا وداع
وغیر موعدْ
اتعاهدَت
روحی اویه نفسي
اتضل محزنه
ولو لفاها العید غربة
ما تعيّد
من مشیتوا بلا وداع
وغیر موعد
حزنت اعیون الصرایف
و انکسر گلب المحمره
والنخل ضل ما یجدد
من مشیتوا بلا وداع
وغیر موعدْ
الفرح چنه نسانه
وگام من ملگانه یلبد
من مشیتوا بلا وداع
وغیر موعد
انجمعت اطیور البراري
وگامت ابحرگه تغرّد
من مشیتوا بلا وداع
وغیر موعدْ
حلفت اکحیله ابسلفنه
کل سنه بالتوم تولد
من مشیتوا بلا وداع
وغیر موعدْ
ماجدات الوطن گالن:
کل سنة محمد ومنصور نولد
کل سنة محمد ومنصور نولد.
